منقول
.
مساء معطر بريح المسك .!
.
مفارقاتـ شبابية ..!
اثنين يمشون مع بعض .!
الاول : لابس شماغ بصمة 5000 وطاقية مشخلة من سوق الزل وثوب مفصلة من شارع العليا ونعاله ( وانتم بكرامة ) لو يصقعها بوجه واحد امسحت ملامحه ..! ولا بس ساعة كبر رآآسة يعني إني كشخة ..!
والثاني : شماغ ابو 45ريال شاريه من عند باب مسجدهم بالحارة وطاقية مشخلة 3 بعشرة وثوبه مفصله من حقين ابو بـ 100 و زبيريات من ابو بكستن ( باكستاني ) يعني كله واحد عندهـ أهم شي إنه نظيف وخلاص .
و العجيب في الأمر!
ومن خلال التيلسكوب
ان الأول يوم اتجه للموتر الا وش تشووف كرسيداً xl جنوط سوود مضلل ..! ( مع كامل الاحترام لأصحاب الكرسيدات التي كنت من عشااقها الله يرحم ايام الثانوي )
أما الثاني واللي صدم الجميع بتواضعه ـ ! اتجه إلى الموتر حسبناه مضيع و يستهبل على الجميع الا وش تشوووف جيب بقراطيسه من هالتاليااات ؟! ويركب ويشغل الموتر ويدز به !!؟
يعني بالعربي طلع ولد نعمة لكن ماحس به احد ..!
عجيبه أمرك يادنيا ..!
نآآس تبحث عن المهاايط ومحاولة إثبات إنه راعي كشخة ومحد قدي وناس ماهمها وواثقة ..!
طبعاً المغزى من هالكلام والزبدة ..
ان كل شخص يعيش جووهـ ! ولا يحاوولـ انهـ يحمل نفسه فوق طاقتها لأننا وللأسف نعيش في زمن المظاهر وتنافس على حسابـ الوضع اللي هو عايشهـ ..
فئة ليست بالقليلة تتنافس على جذب الناس اليهم بأي شكل من الأشكال حتى يصل بهم الأمر تراكب الديون من أجل مجاراة ناس تكح فلوس ! ليش طيب بيسدد عنك مثلاً ,,!
[ البدائل ] موجودة كثير والتعايش مع وضعك مطلب ومد لحافك على قد رجليك وماحد نافعك . يجيلك يوم تندم على ماسويت ..! وربي يرزقك من عندهـ اذا شكرته على النعمة .
يعني لازم تشتري سيآآرة الفلانية اللي قيمتها تقصم الظهر ..! و يوم يطلعها وجه جاهـ مشق من كثر الابتسامة وبعد كم شهر يون ون ..! لأنه اكتشف وبعد التفكير ان الوكالة لازخينه بفائدة لو تأكل كرتون بندول ماتعدل الرآس منها ..!
والغريب ان راتبه قليل مرة يدوب يكفي لأخر الشهر لكن لزووم [الكشخة المزعومة ] انك تسوي كذا وبدون تفكير ,.!
بس خلاآآص ..!
لحظة وقف .! وش عندك .!
يجي واحد يقول ماتبغانا نكشخ مثلاً عشاني موظف وراتبي 3.000؟!
لاأقوله اظبط امورك وعيش على قد امكانياتك وان شاءالله يرزقك ربك وماحد منعك من الترزز لأن بالنهاية مايعرف مصلحته الا انت .!
يعني راتبك 9.990
9.990 تقسيم 30 = 333
واذا تعديت الحد المسموح اعرف انك على خطأ عندك سلف لأخر الشهر !؟
وعليك الحساب وربك يعين
